 |
| Die prinses in SA 1947 |
'n
Week later – en ek's sowaar klaar met my 3de hfstk. OK, bitter kort
hoofstukkies. Maar darem. Ek het in die leegte gespring en die
valskerm is stadig maar seker besig om oop te vou. Elke keer dae van
voorbereiding vir elke hfstk, omdat elkeen in 'n ander jaar afgespeel
word, elke keer teen 'n geskiedkundige agtergrond wat ingeskets moet
word. 1938 - simboliese ossewatrek na Pretoria; 1942 – 2de
Wêreldoorlog; 1947 – Britse koninklike gesin toer in SA.
En
nou kom ek by 1948, oorwinning van Nasionale Party en begin van
apartheid, en hét ek nou gesukkel om detail te kry oor die
oorwinning van die NP. Al die vervelige feite is op internet, maar
die menslike detail makeer. As ek net één interessante persoonlike
beskrywing kan opspoor van hoe bly Afrikaanse mense was oor die
oorwinning (ek onthou dat Ma vertel het dat mense in die strate
gedans het), sal ek iets daarmee kan maak. Gister heeldag gesoek,
niks videomateriaal, niks foto's, niks gevind nie.
 |
| Dior se New Look 1948 |
Ten
einde laaste besluit om die hfstk anders aan te pak, by Colette wat
'n rok aanpas vir haar eerste aandpartytjie, 'n dag of drie ná die
NP-oorwinning. En haar broer wat van die universiteit af huis toe kom
vir die naweek en vertel hoe hulle op Stbosch in die strate gedans
het. Dis tog eintlik wat ek in elke hfstk probeer doen, om die klein
persoonlike geskiedenissie voorop te stel - 'n 6de verjaardag wat
met 'n fancy dress gevier word, 'n inkopietog na die stad,
'n Sondagmiddagete - en die groot politieke Geskiedenis met 'n
hoofletter bloot as agtergrond te skets?
No comments:
Post a Comment