Gou
vanoggend bietjie admin en korrespondensie afgehandel voordat ek saam
met Wilma en Nico by die herberg op die dorp 'n hap gaan eet.
Eergister aan die gang gekom met die laaste hoofstuk van die 2de
afdeling van hierdie ms. Briefvorm, wat beteken ek moet weer
oorskakel na 'n eerstepersoonstem, soos aan die einde van die 1ste
deel. Daar was dit Colette se reisjoernaal, nou is dit Nandi se
afskeidsbrief. Ek hou van die simmetrie.
Weet
nie of ek die 3de afdeling ook met iets meer persoonliks in die
eerste persoon kan afsluit nie, dis nog te ver in die toekoms, sal
moet sien as ek daar kom. Of anders dalk elkeen van die 3 dele met 'n
eerstepersoonstem begin? In daardie geval sal hierdie laaste hfstk
van deel 2 dalk eerder die 1ste hfstk van deel 2 word. Hmmm.
No comments:
Post a Comment