 |
| Lissabon se geel trems |
Pankreaskanker
sal dit wees. Om te dink 'n paar dae gelede het ek nie geweet presies
wáár in my lyf my pankreas sit of wat dit daar doen nie. Nou het ek
so baie daaroor gelees dat ek begin vermoed dat ek dalk
pankreaskanker kan hê. Dit gebeur elke keer as ek 'n siekte moet
navors om daaroor te skryf. Ek word geleidelik oortuig dat ek
verskeie simptome het en teen die einde van my navorsing moet ek hard
stry teen die versoeking om dadelik my dokter te bel en my testament
reg te kry.
Die
ergste van alles is dat ek wéét die grootste gros van al hierdie
inligting oor die pankreas gaan soos gewoonlik nie in die storie
gebruik word nie. En tog weet ek ook ek moet dit nogtans hê, iewers
in my agterkop, om oor Martine se kanker te kan skryf. Feite is
feite. Sê die ou kanniedood-joernalis in my. Nooit sal ek die
heilige ontsag vir feite kan afskud nie.
No comments:
Post a Comment