Dit
was my toe nie beskore om 'n volle week ononderbroke aan my roman te skryf nie. Gister
moes ek tydskrifrubrieke afhandel en 'n spul korrespondensie hanteer
oor ons ou huis wat ons steeds desperaat probeer verkoop. En ander
administratiewe nagmerries. En Maandag en Dinsdag sal ek nie kan werk
nie, want ons moet vir Mia by haar maatjie se vakansiehuis in die
Pyrennees gaan haal. Een dag se ry soontoe, nag oorslaap, een dag
terug.
Dis
die slegte nuus.
Die
goeie nuus is ek is klaar met 1976 se hfstk. En ek dink dit werk.
Wéét nooit met absolute sekerheid nie, maar dink tog so.
Nog
slegte nuus is ek vermoed 1977 gaan nóg moeiliker as 1976 wees. Dis
hier waar Nandi se pa doodgaan en sy ontdek haar ma se ou Portugese
reisjoernaal. Dis 'n turning point in die storie, moontlik dié
turning point.
No comments:
Post a Comment